Жыл сайын, ЮНЕСКО-ның шешімі бойынша, 24 мамыр – – Славян жазуы мен мәдениеті күні аталып өтіледі. Жазудың пайда болуы – халықтың мәдени дамуының үлкен серпіні болып табылады.

Славян этномәдени бірлестігінің басшысы Л.И.Сидоренко мен Орталық аудандық кітапхана «Дар слова» атты есте қаларлық іс- шара ұйымдастырды.

Аталмыш шараға Аграрлық-техникалық колледждің аспазшылар бөлімінің 1 курс студенттері қатысты.

21-22 мамырда Астана қаласында «Рухани қазына – 2018» байқауының қорытындысы жарияланған, «Рухани қазына – 2018» мәдениет және өнер саласы ұйымдары мен қызметкерлерінің І фестивалі өтті.

Аталған фестиваль халықаралық дәрежеде болды. ҚР мәдениет және спорт министрі Арыстанбек Мұхамедиұлы, ТЮРКСОЙ бас хатшысы Д. Касеинов, түркітанушы, профессор Ш. Ыбыраев, Гиссен унивенрситетінің ғылыми қызметкері Бартоломэ Рут, Ұлттық академиялық кітапхана директорныың міндетін атқарушы Н.Н. Жолдыбалинов және де Өзбекстан, Иран, Үндістан, өзге де мемлекеттерден келген қонақтар қатысты.

21 мамырда С. Торайғыров ескерткішінде «Аққан жұлдыздың сыңары» атты ақынды еске алу күні өтті. Бұл күн кездейсоқ емес – 1920 жылы 21 мамырда қазақ әдебиетінің жарқын өкілі XX ғасырдың басында қайтыс болды. Оның туындылары жан-жақты, тақырыптық мәселеге бай, өте мағыналы. Олардың басты ерекшелігі – реализм және ұлт.

Орталық аудандық кітапхана қызметкерлері дайындап, өткізген Жеңіс күніне арналған «Ардагер» клубының кездесуі ерекше жылулыққа толы, тебірентерлік кеш болып өтті. Клуб мүшелері 1941-1945 жж. Ұлы Отан соғысындағы біздің халқымыздың Жеңісінің 73-жылдығын мерекелеу үшін, ұрыс алаңдарында мәңгілікке қаза болған жауынгерлерді еске алу үшін жиналды.

Шарбақты ауданы ардагерлер Кеңесінің төрағасы Мовлян В.П. бәрін ұлы күнмен құттықтап, денсаулық, ашық аспан астында бейбіт өмір тіледі.

3 мамыр күні жаңалыққа құмар Шарбақты ауданы үшін тағы бір ерекше күн болды!

Мәдени, рухани, ақпараттық білім беру орталығы саналатын Орталық аудандық кітапханада заман талабына сай жаңаша жабдықталған, «Коворкинг орталығы» ашылды. Ашылу салтанатына Павлодар облысының мәдениет, құжаттама және мұрағат басқармасының басшысы А.Т. Райымбеков, Шарбақты ауданының әкімі Б.Ж. Ибраев, Шарбақты ауданы әкімінің орынбасары Р.А. Негманова қатысты. Ардақ Тәттімбекұлы шарбақтылықтарды мұндай маңызы зор оқиғамен құттықтап, смартфондарға арналған виртуалды шынайылықпен көрсететін көзілдіріктерді сыйға тартты. Жастар атынан алғыс білдіріп, Сахипова Сания барлық адамдарды құттықтады.

Коворкинг орталығы пайдаланушыларға әлемдегі қазіргі заманғы үрдістерге ортақтастыру үшін жасалған. Бұл «Руғани жаңғыру» бағдарламасы аясында жүзеге асырылып жатқан жұмыстың бір бөлшегі және қазіргі заманғы сананы модернизациялау, дамыту үшін жаңа жағдайлар туғызатын барлық салаларда жаңа технологияларды қолдану арқылы жүзеге асырылатын үлкен ғаламдық жұмысты қамтиды. Осы үрдісті кітапхана да қолдап, мұндай орталықты ашу бастамасы көзделді. Болашақта ол жаңартылып, ары қарай жетілдіріліп отырады.