Ақпарат

Сыбайлас жемқорлық – ЖОҚ!

Орталық аудандық кітапхана сіздердің назарларыңызға сыбайлас жемқорлықтың жаман және заңсыз екеніне, адам әрқашан адал болуы керек екеніне, дүниеде бәрі бірдей бағаланбайтынына тағы да көз жеткізуге көмектесетін «Сыбайлас жемқорлыққа ЖОҚ!» бейнеролигін ұсынады. Біздің инстаграмдағы сілтемеге өтіңіз.

Диалог алаңы

Сыбайлас жемқорлыққа қарсы жобасы аясында Орталық аудандық кітапханада

«Жемқорлықсыз жетістікке жете аласыз ба» атты диалог алаңы өтті. Іс-шараға қызметтің әртүрлі саласында еңбек етіп жүрген табысты жас мамандар шақырылды.

Диалог барысында жастар қазіргі қазақстандық жастардың өмірлік құндылықтары туралы өз пікірлерімен бөлісті. Олар: «Жетістікке жету үшін бала кезіңізден бойыңызда қандай қасиеттерді тәрбиелеу керек?» Табысты адамның өмірлік ұстанымдары қандай? Сыбайлас жемқорлықсыз жетістікке жету оңай ма?» деген сұрақтарға жауап берді.

Барлық қатысушылар Шарбақты ауданының Мәдениет, дене тәрбиесі және спортты дамыту бөлімінің Алғыс хаттарымен марапатталды.

Оқушылармен кездесу

Орталық аудандық кітапханасында сыбайлас жемқорлыққа қарсы жобасы аясында колледж студенттерінің заңгер Е.С.Оспановпен «Адалдық алаңы» кездесуі өтті.

Қатысушылар сыбайлас жемқорлықтың нысандары мен оның қоғамның әртүрлі салаларында көрініс табу ерекшеліктерін, осы құбылыстың себептері мен әлеуметтік қауіпті және зиянды салдарын талқылады.

“Жастар – елдегі жағдайды түбегейлі өзгерте алатын күш. Сыбайлас жемқорлыққа мемлекет, бизнес және БАҚ қарсы тұра алады және күресуге тиіс. Бірақ сыбайлас жемқорлыққа қарсы тұру – бүкіл қоғамның, әрбір адамның ісі екенін түсіну керек.», – деді Ербол Сағындықұлы өз сөзінде.

Адал болу оңай ма?

“Парасат жолы” республикалық сыбайлас жемқорлыққа қарсы жобасы аясында Орталық аудандық кітапхана “Адал болу оңай ма?” блиц-сауалнамасын өткізді.

Кітапханашылар Қазақстандағы сыбайлас жемқорлық деңгейі туралы халықтың пікірін зерттеу мақсатында Шарбақты ауылының көшелеріне шықты. Сауалнамаға қатысушылардың жауаптары көбінесе дұрыс, сауатты болды, ауыл тұрғындары сыбайлас жемқорлықтың тұрмыстық және мемлекеттік нысандары туралы жақсы хабардар. Сауалнамаға қатысушылар жоғары құқықтық мәдениетті, өз құқықтары мен міндеттерін білетіндігін көрсетті.


Парасат жолы

Қазақстан Республикасы Президенті Қ.Тоқаев өзінің сайлауалды бағдарламасында «Біз жемқорлықтың түп-тамыры жойылғанша күресеміз».

Сонымен бірге бүгінгі күні халыққа кеңінен насихатталып жатқан Әділдік, Парасаттылық, Сенім елімізде сыбайлас жемқорлыққа қарсы күрес халықтың әл-ауқатын жақсартуға бағатталған мемлекеттік саясаттың маңызды стратегиялық басымдығы болып саналады.

Қоғамда заңды қатаң сақтауға, сондай-ақ моральдық-этикалық құндылықтарды насихаттауға айрықша көңіл бөлінеді, яғни адам құқықтарын сақтау мәдениетін дәріптеу және бақылау мәселесі өзекті болып отыр. Шарбақты орталық кітапханасында ауданның бас имамы Исабеков Ақжол Адалдық,парасаттылық тақырыптарына онлайн сұхбат берді.